നെടുമങ്ങാട്: നെടുമങ്ങാട്ട് ജ്വല്ലറിയിൽ കവർച്ച നടത്തിയ സംഘം പിടിയിൽ. കൊല്ലം ചവറ ഇടതുരുത്തി നഹാബ് മൻസിൽ നിന്നും മണക്കാട് കരിമഠം കോളനിയിൽ വാടകക്ക് താമസിക്കുന്ന നജീബ് (28) ൻ്റെ നേതൃത്വത്തിൽ പ്രായപൂർത്തിയാകാത്ത മൂന്ന് കുട്ടികൾ ഉൾപ്പെട്ട സംഘമാണ് ജ്വല്ലറിയിൽ മോഷണം നടത്തിയത്.
നഗരത്തിലെ സ്വർണക്കടയിൽ ഷട്ടറിൻ്റെ ലോക്ക് തകർത്ത് അകത്ത് കയറി സ്വർണാഭരണങ്ങളും വെളളി ആഭരണങ്ങളും പണവും മോഷണം ചെയ്തെടുത്ത സംഘത്തെയാണ് ശാസ്ത്രീയമായ അന്വേഷണത്തിലൂടെ പോലീസ് കണ്ടെത്തിയത്. മുഖം മൂടി ധരിച്ച് കൃത്യം നടത്തിയതിനാൽ ഏറെ ദുഷ്ക്കരമായിരുന്ന അന്വേഷണം സൈബർ സെല്ലിൻ്റെയും മറ്റും സഹായത്തോടെ ഏറെ വൈദഗ്ദ്യത്തോടെ അന്വേഷണം നടത്തിയതിനാലാണ് കുറ്റവാളികളെ ദിവസങ്ങൾക്കുള്ളിൽ പിടികൂടാൻ സാധിച്ചത്. സ്ത്രീ പീഢന കേസിൽ നേരത്തേ പ്രതിയായിരുന്ന നജീബിനെ ജ്വല്ലറിയിലും വാസസ്ഥലത്തും സ്വർണം വിപണനം ചെയ്ത സ്ഥലങ്ങളിലും എത്തിച്ച് തെളിവുകൾ ശേഖരിച്ചു. മോഷണ മുതലുകൾ കണ്ടെത്തി.
തിരുവനന്തപുരം റൂറൽ എസ്.പി കിരൺ നാരായൺ ഐപിഎസിൻ്റെ നിർദ്ദേശാനുസരണം നെടുമങ്ങാട് ഡിവൈഎസ്പി ബി. ഗോപകുമാറിൻ്റെ മേൽനോട്ടത്തിൽ നെടുമങ്ങാട് സ്റ്റേഷൻ ഹൗസ് ഓഫീസർ അനീഷ് ബി, പ്രിൻസിപ്പൽ എസ്ഐ മുഹ്സിൻ, എസ് ഐമാരായ ഷാലു, ഷിബു, സാജു, സുരേഷ് എസ്സിപിഒമാരായ ബിജു സി, ബിജു ആർ, ബിജു ജി.ബി, സതികുമാർ, ഉമേഷ് ബാബു, അനൂപ് എന്നിവർ അടങ്ങിയ സംഘമാണ് ശാസ്ത്രീയമായ അന്വേഷണം നടത്തി കുറ്റക്കാരെ കണ്ടെത്തിയത്.
0 Comments
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.