ജല നിരപ്പ് ഉയർന്നതിനെ തുടർന്നു നദിയിലെ പൊന്നാംചുണ്ട്, സൂര്യകാന്തി പാലങ്ങൾ കവിഞ്ഞ് വെള്ളം ഒഴുകിയതു വിതുര– പാലോട് റൂട്ടിൽ മണിക്കൂറുകളോളം ഗതാഗതം തടസ്സപ്പെടുത്തി. പൊന്മുടിയിലും കല്ലാർ വന മേഖലയിലും ബോണക്കാട്ടും ശക്തമായി മഴ തുടരുകയാണ്. പൊന്മുടിയിൽ മഴ ശക്തമാണെങ്കിലും ആശങ്കപ്പെടേണ്ട സാഹചര്യം ഇല്ലെന്നാണു അധികൃതരുടെ പക്ഷം. കാലാവസ്ഥ തീർത്തും പ്രതികൂലമായാൽ പൊന്മുടിയിലേക്കുള്ള വിനോദ സഞ്ചാരത്തിനു താൽക്കാലിക നിരോധനം ഏർപ്പെടുത്തിയേക്കും. പൊന്നാംചുണ്ട് പാലത്തിൽ നിന്ന് വീണ് ഒരാളെ കാണാതായി. വിതുര കൊപ്പം സ്വദേശി സോമൻ (62) നെയാണ് കാണാതായത്. ഫയർഫോഴ്സ് എത്തി തെരച്ചിൽ നടത്തുന്നു. വണ്ടിയോട് കൂടിയാണ് ആറ്റിലേക്ക് വീണതെന്നാണ് ദൃക്സാക്ഷികൾ പറയുന്നത്.
പെരിങ്ങമല പഞ്ചായത്ത് എഴാം വാർഡിൽ നരിക്കല്ല് സോമരാജൻ എന്നയാളുടെ വീട്ടിൽ മണ്ണിടിഞ്ഞ് വീണു. വീടിനകത്ത് വെള്ളവും ചെളിയും കയറി. ഇന്നലെ ഉച്ച മുതൽ മണ്ണിടിഞ്ഞ് വീണ് തുടങ്ങിയിരുന്നു. സോമനും ഭാര്യയും മകളും ഒന്നര വയസ്സായ കുഞ്ഞുമാണ് വീട്ടിലുള്ളത്. നെടുമങ്ങാട് തഹസിൽദാർ സ്ഥലത്തെത്തി പരിശോധന നടത്തി.
കല്ലറയിൽ മരങ്ങൾ ഒടിഞ്ഞ് വീടിനു മുകളിൽ വീണു. ശനിയാഴ്ച ഉച്ചയോടു കൂടി ഉണ്ടായ കാറ്റിലാണ് മരങ്ങൾ വീണത്. രണ്ട് സ്ഥലത്തും ആളപായമില്ല. കല്ലറ കുളമാൻകുഴി പുറുത്തിവിളവീട്ടിൽ വത്സലയുടെ വീടിനു മുകളിലേക്ക് സമീപം നിന്ന കൂറ്റൻ പ്ലാവ് മരം മറിഞ്ഞു വീണു. ഷീറ്റുമേഞ്ഞ വീടിന്റെ ഭിത്തികൾ പൊട്ടിമാറിയിട്ടുണ്ട്. വത്സലയുടെ മകൾ ഈ സമയം വീട്ടിലുണ്ടായിരുന്നെങ്കിലും പുറത്തേക്കിറങ്ങിയതിനാൽ ആളപായമുണ്ടായില്ല.
കൊടിതൂക്കിയകുന്ന് ഓറങ്കോട് സിന്ധുസദനത്തിൽ ഗോപിനാഥൻ ആശാരിയുടെ വീട് പൂർണമായും തകർന്നു. കൈക്കുഞ്ഞുൾപ്പെടെയുള്ളവർ വീട്ടിലുണ്ടായിരുന്നെങ്കിലും അത്ഭുതകരമായി രക്ഷപ്പെട്ടു. വെഞ്ഞാറമൂട് അഗ്നിരക്ഷാസേനയെത്തിയാണ് ഇരു സ്ഥലത്തേയും മരങ്ങൾ വെട്ടിമാറ്റിയത്.
പാലോട്-മൈലമൂട് റോഡിൽ മൈലമൂട്ടിൽ കൂറ്റൻ മരുതുമരം വൈദ്യുത ലൈനിലേക്ക് ഒടിഞ്ഞുവീണ് നാല് വൈദ്യുതത്തൂണുകൾ ഒടിഞ്ഞു. ഇതിലെയുള്ള ഗതാഗതം രണ്ട് മണിക്കൂർ തടസ്സപ്പെട്ടു. രാത്രി വൈകിയും മഴയ്ക്ക് ശമനമുണ്ടായിട്ടില്ല.
പാലോട്-മൈലമൂട് റോഡിൽ മൈലമൂട്ടിൽ കൂറ്റൻ മരുതുമരം വൈദ്യുത ലൈനിലേക്ക് ഒടിഞ്ഞുവീണ് നാല് വൈദ്യുതത്തൂണുകൾ ഒടിഞ്ഞു. ഇതിലെയുള്ള ഗതാഗതം രണ്ട് മണിക്കൂർ തടസ്സപ്പെട്ടു. രാത്രി വൈകിയും മഴയ്ക്ക് ശമനമുണ്ടായിട്ടില്ല.
0 Comments
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.