ആറ്റിങ്ങൽ: അഞ്ചുതെങ്ങിൽ ഓട്ടോയും ബൈക്കും കൂട്ടിയിടിച്ച സംഭവത്തിൽ ഗുരുതര പരുക്കേറ്റവരിൽ ഒരാൾ മരിച്ചു, മറ്റൊരാളിന്റെ നില ഗുരുതരമായി തുടരുന്നു. ആറ്റിങ്ങൽ പൂവൻപാറ എസ്എൽ നിവാസിൽ ബിനു (42) ആണ് മരിച്ചത്. കൂടെയുണ്ടായിരുന്നയാളിന്റെ നില ഇപ്പോഴും ഗുരുതരമാണ്.
അഞ്ചുതെങ്ങ് മുസ്ലിം പള്ളിക്ക് സമീപം ഇന്ന് വെളുപ്പിനാണ് അപകടം ഉണ്ടായത്. രാവിലെ 5 മണിയോടെ അഞ്ചുതെങ്ങ് ഭാഗത്തുനിന്നും മാമ്പള്ളിയിലേക്ക് പോയ ഓട്ടോറിക്ഷയും വർക്കല ഭാഗത്തുനിന്നും കടയ്ക്കാവൂരിലേക്ക് പോയ ഇരുചക്ര വാഹനവും തമ്മിലാണ് കൂട്ടിയിടിച്ച് അപകടം സംഭവിച്ചത്. അപകടത്തിൽ ഇരുചക്ര വാഹനത്തിൽ വന്ന രണ്ടുപേർക്ക് ഗുരുതരമായി പരുക്കേൽക്കുകയായിരുന്നു. ഇരുവരെയും ഉടൻ തന്നെ സ്വകാര്യ ആംബുലൻസ്കളിൽ മെഡിക്കൽ കോളേജിലേക്ക് മാറ്റിയിരുന്നു.
0 Comments
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.