Recent-Post

അമരവിള ചെക്‌പോസ്റ്റിൽ എംഡിഎംഎയുമായി വട്ടപ്പാറ സ്വദേശിയായ യുവാവ് അറസ്റ്റിൽ



അമരവിള: എക്സൈസ് ചെക്‌പോസ്റ്റിൽ 10.15 ഗ്രാം മാരക മയക്ക് മരുന്ന് ഇനത്തിൽ പെട്ട എംഡിഎംഎയുമായി യുവാവ് അറസ്റ്റിൽ. വട്ടപ്പാറ ചിറ്റാഴ പുന്നക്കുന്ന് ജെബിൻ നിവാസിൽ ജസ്റ്റിൻ രാജി(21) നെയാണ് ആണ് എക്സൈസ് അറസ്റ്റ് ചെയ്തത്. നെടുമങ്ങാട് ഓൺലൈൻ വാട്ട്സ്ആപ്പ് ഗ്രൂപ്പിൽ അംഗമാകുവാൻ ക്ലിക്ക് ചെയ്യുക 



ഇന്ന് ഉച്ചക്ക് അമരവിള എക്സൈസ് ചെക്‌പോസ്റ്റിൽ നടത്തിയ വാഹനപരിശോധനയിൽ നാഗർകോവിൽ നിന്നും വന്ന കാർ പരിശോധിച്ചപ്പോഴാണ് ഇയാൾ പിടിയിലായത്. ബാംഗ്ലൂരിൽ നിന്ന് എംഡിഎംഎ വാങ്ങി ടൂറിസ്റ്റ് ബസ്സിൽ നാഗർകോവിലിൽ എത്തുകയും നാഗർകോവിലിൽ നിന്നും ടാക്സി കാറിൽ തിരുവനന്തപുരത്തേക്ക് വരികയുമായിരുന്നു. ഇയാളുടെ കൂട്ടാളിയും എംഡിഎംഎ എത്തിക്കുന്നതിന് പണം മുടക്കുന്നതുമായ കവടിയാർ സ്വദേശിയെ കുറിച്ച് വ്യക്തമായ സൂചന ലഭിച്ചിട്ടുണ്ട് എന്ന് എക്സൈസ് അറിയിച്ചു.


തിരുവനന്തപുരം നഗരത്തിൽ ടെക്നോപാർക് ഉൾപ്പടെയുള്ള ഇടങ്ങളിൽ ലഹരി വിതരണത്തിന്റെ പ്രധാന കണ്ണിയാണിയാൾ. ഇയാൾക്കെതിരെ അന്വേഷണം ആരംഭിച്ചു. അര ഗ്രാം എംഡിഎംഎ കൈവശം വയ്ക്കുന്നത് പോലും 10 വർഷം വരെ തടവ് ശിക്ഷ ലഭിക്കാവുന്ന ജാമ്യമില്ലാത്ത കുറ്റമാണ്. കോടതിയിൽ ഹാജരാക്കിയ പ്രതിയെ റിമാന്റ് ചെയ്തു.

Post a Comment

0 Comments