വീരണകാവ് ധർമശാസ്താക്ഷേത്രത്തിലെ ഉത്സവത്തിനു കൊടിയേറി

കാട്ടാക്കട: വീരണകാവ് ധർമശാസ്താക്ഷേത്രത്തിലെ ഉത്സവത്തിനു കൊടിയേറി. വെള്ളിയാഴ്ച പ്രഭാതപൂജകൾക്കുശേഷം രാവിലെ 9.50-നും 10.28-നും മധ്യേ ക്ഷേത്രതന്ത്രി പരമേശ്വരൻ വാസുദേവൻ ഭട്ടതിരിപ്പാടിന്‍റെ മുഖ്യകാർമികത്വത്തിലായിരുന്നു കൊടിയേറ്റ്.

ശനിയാഴ്ച പ്രഭാതപൂജകൾക്കുശേഷം രാവിലെ 8.15-ന് ഗജപൂജയും ആനയൂട്ടും, വൈകീട്ട് 3.15-ന് മേളക്കാഴ്ചയും കുടമാറ്റവും(വീരണകാവ് പൂരം), രാത്രി ഏഴിന് കരോക്കെ ഭക്തിഗാനമേള, 8.15-ന് ഡാൻസ് ആൻഡ് മ്യൂസിക് മെഗാഷോ, 9.15-ന് നിറപറ. അഞ്ചിന് ആറാട്ടോടെ ഉത്സവം സമാപിക്കും.