എസ്എടി ആശുപത്രിയ്ക്ക് സമീപം തീപിടുത്തം

തിരുവനന്തപുരം: എസ്എടി ആശുപത്രി ഇൻസിനേറ്റർ റൂമിന് സമീപം കൂട്ടിയിട്ട മാലിന്യങ്ങൾക്ക് തീപിടിച്ചു. വലിയ തോതിൽ തീ പടർന്നത് ഏറെനേരം പരിഭ്രാന്തിയുണ്ടാക്കി. ചെങ്കച്ചുള്ള, ചാക്ക എന്നീ നിലയത്തിൽ നിന്നുള്ള ഫയർ ഫോഴ്സ് യൂണിറ്റുകൾ എത്തിയാണ് തീ നിയന്ത്രണ വിധേയമാക്കിയത്. രണ്ടുമണിക്കൂറോളം നീണ്ട പരിശ്രമത്തിനൊടുവിലാണ് തീ പൂർണ്ണമായും നിയന്ത്രണവിധേയമാക്കിയത്. ഇരുപതോളം ഫയർ ആൻഡ് റസ്ക്യൂ ഓഫീസേഴ്സ്, ഹോം ഗാർഡ്സ്, പോലീസ് എന്നിവരുടെ ഏറെനേരത്തെ പരിശ്രമമാണ് കൂടുതൽ അപകടമുണ്ടാക്കാത്തത്.