ബൈക്ക് ഇടിച്ചു പരിക്കേറ്റ് ചികിത്സയിലായിരുന്ന ഹോട്ടൽ ജീവനക്കാരൻ മരിച്ചു

 

നെടുമങ്ങാട: ബൈക്ക് ഇടിച്ചു പരിക്കേറ്റ് ചികിത്സയിലായിരുന്ന വിതുര സ്വദേശിയായ ഹോട്ടൽ ജീവനക്കാരൻ മരിച്ചു. തിരുവനന്തപുരം മെഡിക്കൽ കോളേജിൽ ചികിത്സയിലായിരുന്ന വിതുര കല്ലാർ അംബേദ്കർ കോളനിയിൽ
പി എച്ച് റോയി (48) ആണ് മരിച്ചത്.

 

ഹോട്ടൽ ജോലിക്കാരനായ റോയി കഴിഞ്ഞ 8 ന്

രാത്രി പത്തോടെ ഉമയനല്ലൂരിൽ എത്തി റോഡ് ക്രോസ് ചെയ്യവെ, അമിത വേഗതയിൽ

വന്ന കാറിന് മുന്നിൽപ്പെടുകയായിരുന്നു. പെട്ടെന്ന് ഓടി മാറുന്നതിനിടയിൽ എതിർ ദിശയിൽ നിന്നു വന്ന ബൈക്ക് ഇടിച്ചാണ് പരിക്കേറ്റത്. ഉടൻ തന്നെ നാട്ടുകാർ ചേർന്നു തൊട്ടടുത്തുള്ള സ്വകാര്യ ആശുപത്രിയിലും കൊല്ലം ജില്ലാ ആശുപത്രിയിലും കൊണ്ടുപോയി. തലയ്ക്ക് ഗുരുതര ക്ഷതം ഏറ്റതിനാൽ തിരുവനന്തപുരം മെഡിക്കൽ കോളെജ്

ഐസിയു വെന്റിലേറ്ററിൽ

പ്രവേശിപ്പിക്കുകയായിരുന്നു.

കഴിഞ്ഞ ദിവസം പുലർച്ചെ മരണം സംഭവിച്ചു. പോസ്റ്റുമോർട്ടത്തിനു ശേഷം ഇന്നലെ വൈകിട്ടോടെ കല്ലാറിലും ഭാര്യാഗൃഹമായ ആനാട് വടക്കേക്കോണത്തും പൊതു ദർശനത്തിനു വച്ച മൃതദേഹം ഇന്ന് രാവിലെ പതിനൊന്നരയോടെ ആറ്റിങ്ങൽ ടിപിഎം സഭാ സെമിത്തേരിയിൽ സംസ്കരിച്ചു ഭാര്യ: രതിമോൾ (തങ്കച്ചി). മക്കൾ:അജിത്ത് റോയി, അഭിജിത്ത് റോയി, അതുല്യ റോയി, അരുൺ റോയി.