നെടുമങ്ങാട്: സ്കൂട്ടറിൽ കഞ്ചാവ് കടത്തിയയാളെ എക്സൈസ് അറസ്റ്റ് ചെയ്തു. ആട്ടുകാൽ ചാവറക്കോണം റംസീന മൻസിലിൽ മുഹമ്മദ്‌ റാഷിദി (25) നെയാണ് നെടുമങ്ങാട് എക്സൈസ് അറസ്റ്റ് ചെയ്തത്. ഇയാൾക്ക് കഞ്ചാവ് വിൽപ്പനക്കായി എത്തിച്ച തൊളിക്കോട് മാങ്കോട്ടുകോണം ആഷിക് മൻസിലിൽ മുഹമ്മദ്‌ ആഷിക്കി (26) നെയും അറസ്റ്റ് ചെയ്തു.
KL.22.R.1418 നമ്പറിലുള്ള സ്കൂട്ടറിൽ നിന്ന് 110gm കഞ്ചാവ് പിടികൂടി. എൻ ഡി പി എസ് നിയമപ്രകാരമാണ് ഇവർക്കെതിരെ ചുമത്തിയിട്ടുള്ളത്. മുഹമ്മദ്‌ റാഷിദ്‌ മുൻ കഞ്ചാവ് കേസ്സിലെ പ്രതിയും മുഹമ്മദ്‌ ആഷിക് മുൻ ക്രിമിനൽ കേസ്സുകളിലെ പ്രതിയുമാണ്. കഞ്ചാവ് കടത്താനുപയോഗിച്ച വാഹനവും കഞ്ചാവ് വില്പനയിലൂടെ ലഭിച്ച 10500/- രൂപയും ഇവരിൽ നിന്ന് പിടിച്ചെടുത്തു. ക്രിസ്മസ്-പുതുവത്സരത്തോടനു ബന്ധിച്ചുള്ള സ്പെഷ്യൽ ഡ്രൈവിന്റെ ഭാഗമായാണ് നെടുമങ്ങാട് എക്സൈസ് പരിശോധന നടത്തിയത്.
0 Comments
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.