തൃശ്ശൂർ: രാവിലെ സ്കൂളിൽ എത്തിയ നാലാം ക്ലാസ് വിദ്യാർത്ഥിക്ക് ബസ് ഇറങ്ങുന്നതിനിടെ പാമ്പുകടിയേറ്റു. വടക്കാഞ്ചേരി ആനപ്പറമ്പ് സ്കൂളിലാണ് സംഭവം. വടക്കാഞ്ചേരി ഗവ.ബോയ്സ് എൽപി സ്കൂളിലെ വിദ്യാർത്ഥിയും കുമരനെല്ലൂർ സ്വദേശിയുമായ അദേശിനാണ് (10) കടിയേറ്റത്. കുട്ടിയെ തൃശ്ശൂർ മെഡിക്കൽ കോളജിലേക്ക് മാറ്റി. കുട്ടിയുടെ നില തൃപ്തികരമാണെന്ന് ആശുപത്രി അധികൃതർ അറിയിച്ചു.
വടക്കാഞ്ചേരി ഗവ.ബോയ്സ് എൽപി സ്കൂളിൽ അറ്റകുറ്റപ്പണികൾ നടക്കുന്നതിനാൽ ആനപ്പറമ്പ് സ്കൂലാണ് പഠനം നടക്കുന്നത്. ഇവിടെ സ്കൂൾ ബസിൽ വന്നിറങ്ങിയപ്പോഴാണ് സംഭവം. അധികം മുറിവ് ഏൽക്കാത്തതിനാൽ രക്ഷയായി. കാലിൽ ചെറിയ പോറലാണേറ്റത്. അതുകൊണ്ടുതന്നെ വിഷം ശരീരത്തിലിറങ്ങിയില്ല.
ബസ് ജീവനക്കാർ ഉടൻ പാമ്പിനെ തല്ലിക്കൊന്നു. കുട്ടിയെ ആദ്യം ഓട്ടുപാറ ആശുപത്രിയിലും പിന്നീട് മെഡിക്കൽ കോളെജിലേക്കും മാറ്റി. ബോയ്സ് എൽപി സ്കൂളിൽ നിർമ്മാണ പ്രവർത്തനങ്ങൾ നടക്കുന്നതിനാലാണ് ക്ലാസ് ആനപ്പറമ്പ് സ്കൂളിലേക്ക് മാറ്റിയത്. എന്നാൽ ഈ സ്കൂളിൽ സ്കൂൾ തുറന്ന ശേഷമാണ് പരിസരം വൃത്തിയാക്കാന് ആരംഭിച്ചത്. ഇതിനിടെയാണ് സംഭവം.
ബസ് ജീവനക്കാർ ഉടൻ പാമ്പിനെ തല്ലിക്കൊന്നു. കുട്ടിയെ ആദ്യം ഓട്ടുപാറ ആശുപത്രിയിലും പിന്നീട് മെഡിക്കൽ കോളെജിലേക്കും മാറ്റി. ബോയ്സ് എൽപി സ്കൂളിൽ നിർമ്മാണ പ്രവർത്തനങ്ങൾ നടക്കുന്നതിനാലാണ് ക്ലാസ് ആനപ്പറമ്പ് സ്കൂളിലേക്ക് മാറ്റിയത്. എന്നാൽ ഈ സ്കൂളിൽ സ്കൂൾ തുറന്ന ശേഷമാണ് പരിസരം വൃത്തിയാക്കാന് ആരംഭിച്ചത്. ഇതിനിടെയാണ് സംഭവം.
സബ്സ്ക്രൈബ്
0 Comments
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.