പള്ളിക്കൽ: നാട്ടുവൈദ്യനെ വീട്ടിൽ അതിക്രമിച്ച് കയറി കൊലപ്പെടുത്താൻ ശ്രമിച്ച രണ്ട് യുവാക്കൾ അറസ്റ്റിൽ. പള്ളിക്കൽ സ്വദേശികളായ നിസാം, മനീഷ് എന്നിവരാണ് പിടിയിലായത്. കഴിഞ്ഞ ചൊവ്വാഴ്ചയാണ് കേസിനാസ്പദമായ സംഭവം നടക്കുന്നത്. വീട്ടിൽ ചികിത്സയ്‌ക്കെത്തിയ യുവതിയുടെ ഫോൺ നമ്പർ നൽകാത്തതാണ് പ്രകോപനത്തിന് കാരണം.
നെടുമങ്ങാട് സ്വദേശിയായ നാട്ടുവൈദ്യൻ നാസറുദ്ദീനെയാണ് ഇവർ കൊല്ലാൻ ശ്രമിച്ചത്. പ്രതികൾ വീട്ടിൽ അതിക്രമിച്ച് കയറി വൈദ്യന്റെ മൊബൈൽ ഫോൺ പിടിച്ചു വാങ്ങി. ശേഷം അസഭ്യം വിളിക്കുകയും ഭീഷണിപ്പെടുത്തുകയും മർദ്ദിക്കുകയുമായിരുന്നു. കത്തിയെടുത്ത് കുത്തിക്കൊല്ലാനാണ് യുവാക്കൾ ശ്രമിച്ചത്.
വൈദ്യൻ നൽകിയ പരാതിയിൽ പള്ളിക്കൽ പോലീസ് കേസെടുത്ത് അന്വേഷണം ആരംഭിച്ച് കേസെടുത്തിട്ടുണ്ട്. ആറ്റിങ്ങൽ കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു. പള്ളിക്കൽ എസ്എച്ച്ഒ ശ്രീജിത്ത് പിയുടെ നേതൃത്വത്തിലുള്ള സംഘമാണ് പ്രതികളെ പിടികൂടുന്നത്.
സബ്സ്ക്രൈബ്
0 Comments
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.