നെടുമങ്ങാട്: പാറയിൽ കുടുങ്ങിയ യുവാവിനെ അഗ്നിരക്ഷാ സേന എത്തി രക്ഷപ്പെടുത്തി. വെമ്പായം തമ്പുരാൻ പാറയുടെ മുകളിൽ കുടുങ്ങിയ തേക്കട മാടൻനട ചേരിവിളകത്തു വീട്ടിൽ ബിനു കൃഷ്ണയെയാണ് അഗ്നിരക്ഷാ സേന രക്ഷപ്പെടുത്തിയത്. കൂട്ടുകാർക്കൊപ്പമാണ് ബിനു കൃഷ്ണ പാറയുടെ മുകളിൽ കയറിയത്.
198 പടികൾ കയറി വേണം മുകളിലെത്താൻ. ഉദ്ദേശം 700 അടിയിലേറെ ഉയരത്തിലാണ് പാറ ഉള്ളത്. അവിടെ എത്തിയപ്പോൾ ബിനു കൃഷ്ണ താഴേക്ക് വീഴുകയായിരുന്നു. ഇടതുകാലിനു പരിക്കേറ്റു. താഴെക്കിറങ്ങാൻ കഴിയാതായതോടെയാണ് അഗ്നിരക്ഷാസേനയുടെ സഹായം തേടിയത്. നെടുമങ്ങാട് നിന്നെത്തിയ അഗ്നിരക്ഷാ സേന പ്രവർത്തകർ സ്ട്രെച്ചറിൽ കിടത്തിയാണ് ബിനുവിനെ താഴെ എത്തിച്ചത്.
0 Comments
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.