തിരുവനന്തപുരം: പുതിയ റേഷൻ കടകൾ അനുവദിക്കുന്നത് സംബന്ധിച്ചുള്ള വാർത്തകളിൽ ജനങ്ങൾ വഞ്ചിതരാകരുതെന്നു ഭക്ഷ്യ മന്ത്രി ജി ആർ അനിൽ. പുതിയ റേഷൻ കടകൾ അനുവദിക്കുന്നത് സംബസിച്ച് ഉള്ള ആവശ്യം സംസ്ഥാനത്ത് നിരവധി സ്ഥലങ്ങളിൽ നിന്ന് ഉയരുകയാണെന്നും എന്നാൽ നിലവിൽ അറ്റാച്ച് ചെയ്തതും, ലൈസൻസി പുതുക്കി നൽകാത്തതുമായ 599 റേഷൻ കടകൾക്ക് മാത്രമുള്ള വിജ്ഞാപനം പുറപ്പെടുവിക്കാനാണ് ഭക്ഷ്യ പൊതുവിതരണ വകുപ്പ് തിരുമാനിച്ചിട്ടുള്ളതെന്ന് മന്ത്രി. ഭക്ഷ്യ മന്ത്രിയുടെ പ്രതിമാസ ഫോൺ ഇൻ പരിപാടിയിൽ പുതിയ റേഷൻ കടകൾ അനുവദിക്കുന്നത് സംബന്ധിച്ച് പൊതു ജനങ്ങളിൽ നിന്നും ലഭിച്ച ചോദ്യങ്ങൾക്ക് മറുപടി നൽകുകയായിരുന്നു അദ്ദേഹം.
ഓട്ടിസം പോലുള്ള രോഗം ബാധിച്ചവർക്കും, ഭിന്നശേഷിക്കാരായവരുടെ കുടുംബത്തിനും പ്രത്യേക പരിഗണന നൽകി മുൻ ഗണനാ കാർഡ് അനുവദിക്കണമെന്നാവശ്യം സാമൂഹ്യനീതി വകുപ്പുമായി കൂടിയാലോചിച്ച് നടപടി സ്വീകരിക്കുമെന്നും അദ്ദേഹം പറഞ്ഞു. നിലവിൽ സറണ്ടർ ചെയ്ത റേഷൻ കാർഡുകൾ അർഹരായവർക്ക് എത്തിക്കാനുള്ള നടപടികൾ ഒക്ടോബർ 15നകം പൂർത്തികരിക്കുവാൻ നിർദ്ദേശം നൽകിയിട്ടുണ്ടെന്നും മന്ത്രി വ്യക്തമാക്കി.
0 Comments
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.