ലോക്ക്ഡൗണും രാത്രി കർഫ്യൂവും പിൻവലിക്കാൻ തീരുമാനം

തിരുവനന്തപുരം : സംസ്ഥാനത്ത് ഞായറാഴ്ച ലോക്ക്ഡൗണും രാത്രി കർഫ്യൂവും പിൻവലിക്കാൻ തീരുമാനം. ഉന്നതതല യോഗ തീരുമാനം മുഖ്യമന്ത്രി വാർത്താസമ്മേളനത്തിൽ അറിയിച്ചു. വ്യവസ്ഥകളോടെ ഉന്നതവിദ്യാഭ്യാസ സ്ഥാപനങ്ങൾ തുറക്കാനും തീരുമാനമായി.

രാത്രി 10 മുതൽ രാവിലെ 6 വരെയായിരുന്നു രാത്രികാല കർഫ്യൂ, ഇത് പിൻവലിക്കാൻ തീരുമാനമായി. ഒക്ടോബർ 4 മുതൽ സംസ്ഥാനത്തെ ഉന്നതവിദ്യാഭ്യാസ സ്ഥാപനങ്ങൾ തുറക്കാനും തീരുമാനമായി പോളിടെക്നിക് മെഡിക്കൽ കോളേജുകൾ എന്നിവ തുറക്കും. അവസാന വർഷ ക്ലാസുകളായിരിക്കും ആരംഭിക്കുക. അധ്യാപകരും വിദ്യാർത്ഥികളും ആദ്യ ഡോസ് വാക്സിൻ സ്വീകരിച്ചിരിക്കണം.

അശാസ്ത്രീയമായ നിയന്ത്രണങ്ങൾക്കെതിരെ പ്രതിപക്ഷം ശക്തമായ വിമർശനം ഉയർത്തിയിരുന്നു. ശനിയാഴ്ച തിരക്ക് കൂട്ടാൻ മാത്രമേ ഞായറാഴ്ച ലോക്ക്ഡൗൺ ഉപകരിക്കൂ എന്നായിരുന്നു പ്രതിപക്ഷ വിമർശനം