ആനപ്പാറ സ്‌കൂളിലും തുടർന്ന് വിതുര സ്‌കൂളിലും ഓട്ടോറിക്ഷയിലാണ് കാർത്തിക്കിനെ പഠനത്തിനായി എത്തിക്കുന്നത്. സാധാരണ കുടുംബത്തിൽ ജീവിക്കുന്ന ഇവർ ദിവസേന ഓട്ടോ കൂലി നൽകിയാണ് അവനെ സ്കൂളിൽ ഇതുവരെ എത്തിച്ചത്. പ്രതിസന്ധി തളർത്താത്ത മനസുമായി നന്നായി പഠിച്ചു മികച്ച വിജയം നേടിയ കാർത്തിക്കിന് ശാസ്ത്ര ലോകത്തിന്റെ ഉന്നത നിലകളിലേക്ക് കടന്നെത്തുക എന്ന ലക്ഷ്യമാണുള്ളത്. ശാസ്ത്രഞ്ജനാകണം എന്ന വലിയ സ്വപ്നം സഫലമാക്കാനുള്ള ഉറച്ച മനസുമായാണ് ഓരോ ദിവസവും അവനിലൂടെ കടന്ന് പോകുന്നത്.
പ്ലസ് ടു വിനു ശേഷം ഇപ്പോൾ ഫിസിക്സിൽ ബിരുദ പ്രവേശനം നേടാനുള്ള ആഗ്രഹമാണുള്ളത്. പഠിക്കാൻ മിടുക്കനായ കാർത്തിക്കിന് തുടർ വിദ്യഭ്യാസത്തിനായി എങ്ങനെ യാത്ര ചെയ്യാനാകും എന്നറിയാതെ വിഷമിക്കുകയാണ്. കാർത്തിക്കിന്റെ യാത്രകൾക്കെല്ലാം കൂട്ടായുള്ളത് അമ്മയും അമ്മൂമ്മയുമാണ്. അവരും സങ്കടത്തിലാണ്. ശരീരം തളർന്നുവെങ്കിലും നന്നായി പഠിക്കുന്നതിനൊപ്പം നന്നായി ചിത്രം വരയ്ക്കുകയും ആഴത്തിലുള്ള പുസ്തക വായനയും അവനിലുണ്ട്.നിരവധി ക്വിസ് മത്സരങ്ങളിലെ വിജയി കൂടിയാണ്.
വിധി തളർത്താത്ത മനസുമായി മികച്ച വിദ്യാഭ്യാസം നേടി ഉയരങ്ങളിലേക്കെത്താനുള്ള അവന്റെ യാത്രകൾക്ക് കരുത്തേകാൻ നമുക്കെല്ലാവർക്കും ഒത്തു ചേരേണ്ടതുണ്ട്.
0 Comments
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.