കരകുളം: ആഗോള യുവജന സംഘടനയായ ജൂനിയർ ചേമ്പർ (JCI) ഫൗണ്ടേഷനും ജൂനിയർ ചേമ്പർ വേൾഡ് തായ് വാൻ ഫൗണ്ടേഷനും ചേർന്ന് കേരള സംസ്ഥാന ഗവണ്മെന്റിന്റെ കോവിഡ് പ്രതിരോധ പ്രവർത്തനങ്ങൾക്ക് സഹായമേകാനായി 40 ഓക്സിജൻ ജനറേറ്ററുകൾ നൽകുന്നു. ഇതിന്റെ ഭാഗമായി കരകുളം പഞ്ചായത്ത് ഹോസ്പിറ്റലിൽ ഓക്സിജൻ ജനറേറ്റർ സംസ്ഥാന ഭക്ഷ്യ സിവിൽ സപ്ലൈസ് മന്ത്രി ശ്രീ. ജി ആർ അനിൽ ഇന്ന് (17-08-2021 ചൊവ്വാഴ്ച) ഉച്ചയ്ക്ക് 2.30 ന് കരകുളം പഞ്ചായത്ത് ഓഫീസ് അംഗണത്തിൽ വച്ച് കരകുളം കുടുംബാരോഗ്യ കേന്ദ്രo മെഡിക്കൽ ഓഫീസർ Dr. ജാസ്മിന് കൈമാറി.
ചടങ്ങിൽ ജെ.സി.ഐ. ഇന്ത്യ സോൺ 22 ന്റെ സോൺ പ്രസിഡന്റ് ശ്രീനാഥ് എസ്, ജെ.സി.ഐ സോൺ ഓഫീസർമാരായ സെന്തിൽ കുമാർ, അജയ് എസ് നായർ , ശ്രീകാന്ത് വി.എസ്, കരകുളം പഞ്ചായത്ത് പ്രസിഡന്റ് ലേഖാറാണി, പഞ്ചായത്ത് വൈസ് പ്രസിഡന്റ് സുനിൽകുമാർ, ബ്ലോക്ക് മെമ്പർ ശ്രീകണ്ഠൻ, ജെ.സി ഐ പ്രവർത്തകരായ അനുപ് കഴക്കൂട്ടം, സജിത്ത് തീർത്ഥങ്കര തുടങ്ങിയവർ പങ്കെടുത്തു.
0 Comments
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, നെടുമങ്ങാട് ഓൺലൈനിന്റേതല്ല.