Recent-Post

UPDATES
വാർത്തകൾ ലോഡ് ചെയ്യുന്നു...

പെരിങ്ങമ്മല ഗ്രാമപഞ്ചായത്ത് കേരളോത്സവം 2026-ന് സമാപനം; അഞ്ച് ദിവസത്തെ കലാമേളയ്ക്ക് കൊടിയിറങ്ങി

നെടുമങ്ങാട്: പെരിങ്ങമ്മല ഗ്രാമപഞ്ചായത്തിൽ വർണാഭമായി നടന്ന കേരളോത്സവം 2026-ന് സമാപനം. അഞ്ച് ദിവസങ്ങളിലായി വേദികളിൽ വിസ്മയം തീർത്ത കലാപ്രതിഭകൾ കൈനിറയെ സമ്മാനങ്ങളുമായി മടങ്ങിയതോടെ കേരളോത്സവത്തിന് കൊടിയിറങ്ങി. സമാപനസമ്മേളനം സുധീർഷ പാലോട് എംഎൽഎ ഉദ്‌ഘാടനം ചെയ്‌തു.


ആഘോഷങ്ങളും ആവേശവും അവസാനിച്ചെങ്കിലും സംഘാടനത്തിന്റെ നാളുകൾ ഓർത്തെടുക്കുകയാണ് സംഘാടകർ. സംഘാടകസമിതി രൂപീകരണം മുതൽ ഓരോ ദിവസത്തെയും മുന്നൊരുക്കങ്ങളും കൃത്യമായ നടത്തിപ്പും ഈ മേളയെ തികച്ചും വ്യത്യസ്തമാക്കി. ചുമതലയോട് പൂർണ്ണമായും നീതി പുലർത്തിയ ഉദ്യോഗസ്ഥരുടെയും സംഘാടകരുടെയും കൂട്ടായ്മയാണ് പരിപാടിയുടെ വിജയത്തിന് പിന്നിൽ.

വിജയത്തിനായി അക്ഷീണം പ്രയത്നിച്ച വിഷ്ണു ശങ്കർ, ജെസ്‌ന സലിം, അമൽ എം. എ., കുളത്തൂപുഴ ഷാ, ഗായത്രി, സുൽത്താൻ തുടങ്ങിയവരെയും ഒപ്പം നിന്ന എല്ലാ സഹപ്രവർത്തകരെയും സംഘാടകർ പ്രത്യേകം സ്മരിച്ചു. പ്രതിസന്ധികളെ തരണം ചെയ്ത് ഒപ്പമുണ്ടായവരുടെ ആത്മാർത്ഥതയാണ് വിജയത്തിളക്കം സമ്മാനിച്ചതെന്നും എന്നാൽ ചിലരുടെ നിസ്സഹകരണവും വെല്ലുവിളികളും അവഗണിക്കാനാകില്ലെന്നും സംഘാടകർ അനുഭവങ്ങൾ പങ്കുവെച്ചു.

നവമാധ്യമങ്ങളിൽ പങ്കുവെക്കപ്പെട്ട ഈ ഹൃദ്യമായ കുറിപ്പ് ഇതിനോടകം തന്നെ ഏറെ ശ്രദ്ധ നേടിയിട്ടുണ്ട്. അടുത്ത വർഷം പുതിയൊരുക്കങ്ങളോടെ കേരളോത്സവം വീണ്ടും വിരുന്നെത്തുമെന്ന പ്രതീക്ഷയോടെയാണ് സമാപനം കുറിച്ചിരിക്കുന്നത്.

വാർത്തകൾ വാട്സ്ആപ്പിൽ ലഭിക്കുവാൻ ക്ലിക്ക് ചെയ്യൂ

Post a Comment

0 Comments